Kampioni suedez Zlatan Ibrahimovic ndonëse tashmë është gati 40 vjecc vazhdon të shërbejë si një shembull për shumë sulmues të rinj me atë ai bën në fushën e lojës.
Një ndër ta është dhe sulmuesi me origjinë shqiptare, Astrit Selmani, i cili luan me skuadrën e Hammarby-t, që tashmë zotërohet nga Zlatan Ibrahimovic.
Skuadra arriti t’i dhurojë Ibrahimovic dhe trofeun e parë si President, pasi arriti të fitojë Kupën e Suedisë. Hammarby luajti finalen ndaj Hacken me 120 minutat që u mbyllën me shifrat 0-0.
Skuadra e Hammarbyt u tregua më e saktë te penalltitë, ndërsa i fundit që shënoi ishte sulmuesi me origjinë shqiptare, Astrit Selmani. Pas këtij triumfi ka folur Ibrahimovic.
“Kjo është arsyeja për të cilën ne e kemi marrë Selmanin, për të vendosur këto momente. Kjo (Kupa e Suedisë) do të thotë shumë. Për këtë luan. Finalet fitohen. Nuk ka rëndësi se si luan. Ju duhet të fitoni finalet”, ka thënë Zlatan Ibrahimovic.
(E.H/Faxweb.al)
Për t’ju bashkuar faqes sone në Facebook, klikoni like
loading…
/faxweb