Një avion prodhimit sovjetik MiG-29 nw Bullgari u përplas në Detin e Zi gjatë një stërvitje ushtarake dhe piloti u zhduk, njoftoi të mërkurën Ministria e Mbrojtjes e Bullgarisë.
Ministria konfirmoi se aeroplani luftarak u zhduk nga radari në 12:45 me kohën lokale mbi ujërat territoriale të atij vendi, raporton AP.
Operacioni i kërkimit dhe shpëtimit filloi menjëherë dhe vazhdon, por statusi i pilotit mbetet i panjohur.
Arsyet e rrëzimit të avionit nuk dihen ende, por zyrtarët ushtarakë kanë pezulluar stërvitjen “Shabla 2021”.
Kryeministri Stefan Ianev i tha BTV se piloti nuk raportoi ndonjë problem përpara se të zhdukej nga radari.
Rindërtimi i Flotës Ajrore Bullgare
Dy aeroplanë MiG-29 që i përkisnin Bullgarisë u rrëzuan në 1994 dhe 2012.
Që nga anëtarësimi në NATO në 2004, Bullgaria është përpjekur të zëvendësojë flotën e saj ajrore sovjetike me MiG-29, por problemet financiare e kanë frenuar atë.
Në vitin 2019, vendi i Ballkanit nënshkroi një marrëveshje mbi blerjen e tetë avionëve ushtarakë F-16 nga kompania amerikane Lockheed Martin, si pjesë e përpjekjeve për të harmonizuar aviacionin e tij me standardet e NATO-s.
Avionët e parë F-16 duhet të dorëzohen në Bullgari deri në vitin 2023.