Një aksident i rëndë ka ndodhur pasditen e sotme në aksin rrugor Pushimi Shoferit-Divjakë, në vendin e quajtur “Kthesa e Gungasit”, ku shtetasi K. K., 50 vjeç, duke drejtuar motomjetin tip “Trinity” është përplasur me një biçikletë që drejtohej nga shtetasi P. Rr., 85 vjeç e për pasojë ky i fundit ka ndërruar jetë në vend. Ndërkohë, policia ka nisur hetimet për zbardhjen e plotë të ngjarjes.
Njoftimi i plotë i policisë për ngjarjen:
Divjakë / Informacion paraprak
Sot rreth orës 18:15, në aksin rrugor Pushimi Shoferit-Divjakë, në vendin e quajtur “Kthesa e Gungasit” shtetasi K. K., 50 vjeç, duke drejtuar motomjetin tip “Trinity” është përplasur me një biçikletë që drejtohej nga shtetasi P. Rr., 85 vjeç.
Si pasojë e përplasjes ka ndërruar jetë shtetasi P. Rr. Është shoqëruar në Komisariat shtetasi K. K dhe po kryhen veprimet procedurale. Grupi hetimor po punon për zbardhjen e plotë të rrethanave të aksidentit.
…
/faxweb