Presidenti tunizian, Kais Saied, sipas një buletini shtetëror ka shkarkuar disa zyrtarë të lartë shtetërorë.
Buletini i djeshëm përfshin vendimet e fundit të presidentit për shkarkimin e zyrtarëve shtetërorë, që vazhduan që nga e diela.
Midis të shkarkuarve nga detyrat e tyre janë drejtori i këshillit të kryeministrisë, sekretari i përgjithshëm i qeverisë dhe këshilltarët e kryeministrit.
Të dielën, Saied shkarkoi qeverinë e kryeministrit Hichem Mechichi, pezulloi parlamentin dhe mori autoritetin ekzekutiv me ndihmën e një kryeministri të ri.
Ky hap u refuzua nga shumica e palëve parlamentare të Tunizisë, duke përfshirë Ennahda, Zemra e Tunizisë, Koalicioni i Dinjitetit dhe Lëvizja Popullore.
Pas vendimeve të presidentit Saied, kryetari i Parlamentit, Rached Ghannouchi, e përshkroi masën e presidentit si asgjë tjetër përveç një “grusht shtet të plotë” kundër kushtetutës tuniziane, revolucionit dhe lirive në vend.
Tunizia shihet si i vetmi vend që arriti të kalojë një tranzicion demokratik midis disa vendeve arabe të cilat përjetuan revolucione popullore që rrëzuan regjimet e tyre në pushtet, përfshirë Egjiptin, Libinë dhe Jemenin.