Dy të burgosur që ndodhen në ambientet e paraburgimit në burgun 313 kanë tentuar të arratisen nga qelitë.
Sipas “FAX”, të burgosurit kanë qenë në ambientet e ajrosjes kur kanë tentuar që të arratisen duke përdorur trukun më të vjetër në histori: atë me çarçafë.
Me anë të një çarçafi ata kanë tentuar që të kalojnë nga ajrosja në ambientet e administratës së këtij burgu, por plani u ka dështuar pasi janë pikasur në kohë nga gardianët e burgut dhe janë rikthyer në qelinë e tyre.
Deri më tani nuk dihet asnjë detaj lidhur me personat që tentuan arratisjen dhe as për çfarë veprash penale janë shpallur të fajshëm.