Kosova do t’i gjendet pranë Shqipërisë në luftën me zjarret.
Pas vendimit të Qeverisë së Kosovës për të ofruar ndihmë për vendin tonë, Presidentja Vjosa Osmani, në cilësinë e Komandantes Supreme, ka nënshkruar autorizimin për dërgimin e trupave dhe pajisjeve të FSK-së në operacion humanitar dhe në të njëjtën kohë e ka informuar për këtë veprim Kuvendin e Kosovës.
Trupat kosovarët pritet të japin ndihmën e tyre në Kukës dhe mbërritja e tyre parashikohet mbrëmjen e kësaj të hëne. Kurse operacionet e përbashkëta me Shqipërinë për shuarjen e flakëve pritet të nisin nga dita e martë.