Regjistrimet në Universitetin e Tiranës, rektori Artan Hoxha publikon të dhënat: Ja çfarë degësh preferojnë studentët (Nivel i ulët regjistrimi në…)

Përfundon raundi i parë i regjistrimit në Universitetin e Tiranës.

Rektori në UT,  Artan Hoxha ka publikuar disa të dhëna të regjistrimit ku për 38 programe janë bërë 58.472 aplikime. Gjatë fjalës së tij, Hoxha na ka treguar fakultetet më të preferuara për studentët dhe ato që kanë një numër të ulët aplikimesh.

“Ka një rritje të numrit të maturantëve pë kanë aplikuar në krahasim me një vit më parë, rreth 10 më shumë. Janë 5133 kuota në Universitetin e Tiranës. Fakultet me 94 % te kuotave të zëna janë , dretësi, ekonomi etj. Fakultet e tjera të kërkuara janë informatika, shkencat e natyrës, psikologji, gjuhet e huaja anglisht dhe gjermanisht.

Kurse gjuhët ruse greke kanë qenë alternative, greke asnjë i regjistruar dhe ruse 1. Këto nuk janë regjistrime që rrezikojnë hapjen e programit. Gjuha ruse nga ambasada e Rusisë ata kanë mbështetje financiare për studentët që ndjekin studimet”, tha Hoxha.