Transportonte emigrantë të paligjshëm, arrestohet 29-vjeçari nga Durrësi, shpallet në kërkim bashkëpunëtori i tij

Policia e Elbasanit ka arrestuar një 29-vjeçar dhe ka shpallur në kërkim bashkëpunëtorin e tij për veprën penale të transportimit të emigrantëve të paligjshëm.

Ka pranga ka rënë shtetasi me iniciale F.Z, banues në Durrës, i cili me automjetin e tij tip “BMË”, po transportonte kundrejt pagesës 3 emigrantë të paligjshëm, të cilëve iu kishte premtuar kalimin drejt vendeve të BE-së.

Në momentin kur shërbimet e Policisë i kanë bërë shenjë ndalimi, ky shtetas nuk i është bindur urdhrit të punonjësit të Policisë, por ka tentuar të largohet. Gjithashtu dhe është shpallur në kërkim bashkëpunëtori i tij, shtetasi P. S., 30 vjeç, banues në Kamzë, Tiranë, i cili paraprinte rrugën me një mjet tjetër, për të kontrolluar nëse kishte shërbime policore në rrugë.

Në cilësinë e provës materiale janë sekuestruar 2 automjetet, 1 aparat celular dhe 460 euro të dyshuara të përfituara nga ky aktivitet i paligjshëm.

Materialet i kaluan Prokurorisë, për veprime të mëtejshme procedurale, për veprat penale “Ndihma për kalim të paligjshëm të kufijve” dhe “Mosbindja ndaj urdhrit të punonjësit të policisë së rendit publik”.