Kryetari i PD-së, Lulzim Basha në përfundim të takimit me shefen e misionit të vëzhguesve të OSBE-ODIHR Urszula Gacek u ndal në një prononcim për mediat, ku u shpreh se raporti i OSBE-së fakton masakrën zgjedhore të 25 prillit.
Basha u shpreh se nëse këtij raporti do t’i hiqej fjala Shqipëri, ai do t’i ngjante zgjedhjeve të Lukashenkos në Bjellorusi.
“Ambasadores i shpreha mirënjohjen për punën e misionit të monitorimit ndonëse në kushte te kufizuar. Po kështu ndamë me të dhe bashkëpunimin dhe dakordësinë me rekomandimet parësore për OSBE ODHIR.
Ky raport fakton masakrën zgjedhore. Vrasjen e demokracinë në Shqipëri. Rekomandimi dy thotë që shtetit të garantojë votën. Ky mund të ishte farë mirë një raport për Bjellorusinë e Lukashnekon. Ironi e madhe se mora vesh se një aktiviste e është me Lukashenkon e Shqipërisë. Raporti konfirmon shkrirjen e shtetit me Partinë. Sistemi i patronzhistëve është vjedhje e të të dhënave të qytetarëve. Përdorimi i tyre nga sistemi i patronazhistëve duhet tu vijë turp nga vetja.
Është i ngjashëm me sigurimin e shtetit të viteve 90’. Raporti thotë se pas prishjes së marrëveshjes nuk është i njëjtë. Raporti flet në rekomandimin 5 për lirinë e medias. Gjerat nuk janë bërë më mirë por më keq. Se Qeveria mori zëdhënësen e Partisë dhe e vuri në krye të AMA-s. Ndërkohë ka krijuar një ministri të propagandës për të zhdukur edhe atë pak liri për gazetarët për të bërë transparencë. Flet për blerjen e votave. Në bashkëpunim me krimin e organizuara nuk u zgjidh dhe mori dimensione të reja” tha Basha.