Prokuroria e Shtetit në Spanjë ka kërkuar një dënim me 11 vjet burg për ish-presidentin e Barcelonës, Sandro Rosell, i cili akuzohet për pastrim parash dhe formimin e një organizate kriminale.
Rosell u arrestua në maj të vitit 2017 dhe që atëherë është në paraburgim duke pritur gjykimin.
Ish-kreu i gjigantit katalanas dyshohet se ka “larë” më shumë se 35 milionë dollarë në bashkëpunim me ish-presidentin e Federatës së Futbollit të Brazilit, Richard Teixeira, në Amerikën e Jugut.
Rosell është akuzuar për shkelje të ligjeve të marketingut ne menaxhimin e Barcelonës.
Sipas akuzave, ai dhe bashkëpunëtorët e tij kanë marrë në mënyrë të paligjshme 15 milionë euro nga shitja e të drejtave televizive.
Kjo sasi thuhet se u “pastrua” dhe se tërhiqej nëpër kompani fiktive me bazë në Andorra.
I gjithë operacioni që çoi në arrestimin e Sandro Rosell nis nga FBI kur filloi bastisjen e FIFA-s në vitin 2015 me akuzat për ryshfet dhe korrupsionin.
Rosell ishte president i Barcelonës nga viti 2010 deri 2014.