Presidenti Ilir Meta teksa bëri homazhe pranë shtatores së Azem Hajdarit, në kuadër të ditës së Rinisë, nuk i shpëtoi pyetjeve të gazetarëve për situatën në Partinë Demokratike.
Edhe pse tha se nuk ndodhet aty për t’u marrë me çështje të tilla, duke ngritur dy gishtat lart, Meta dha mesazhin e tij duke thënë: Liri, demokraci, jo më vonë po tani!
Pyetja: Meqë sot jemi 31 vite nga Lëvizja e Dhjetorit si e shihni ju si President ndarjen e PD në dy kampe që ka qenë edhe gurthemeli i demokracisë dhe pluralizmit?
Ilir Meta: Nuk jam këtu për t’u marrë me çështje të tilla. E rëndësishme është liria, demokracia, pluralizmi politik të kthehen në shina të qëndrueshme së bashku dhe me të ardhmen europiane dhe bota e lirë, gjithëpërfshirja mbeten vendimtare në këtë proces. Dhe në fund fare: Liri, demokraci jo më vonë po tani!