Sot Kosova feston 14-vjetorin e Pavarësisë! Në këtë ditë të shënuar për shtetin fqinj, janë organizuar evente dhe ceremoni të ndryshme. Presidentja Vjosa Osmani së bashku me kryeministrin e vendit, Albin Kurtin do të bëjnë ngritjen e flamurit në oborrin e Qeverisë së Kosovës. Më pas ata të dy do të kryejnë homazhe te ‘Adem Jashari’.
Ngjarjet do të vijojnë deri në orën 18:300 ku do të mbahet koncerti i përbashkët i Ansamblet Kombëtare të Valleve të Kosovës dhe Shqipërisë.
Ditën e sotme Kosova feston 14-vjetorin e Pavarësisë:
Shpallja e Pavarësisë së Kosovës është bërë më 17 shkurt të vitit 2008 në ora 15:39 në Kuvendin e Republikës së Kosovës në Prishtinë. Në një mbledhje të jashtëzakonshme ku merrnin pjesë 109 nga gjithsej 120 deputetë, Kuvendi i Kosovës njëzëri shpalli Kosovën shtet të pavarur, sovran dhe demokratik. Prej 17 shkurtit të vitit 2008 Ballkanit iu shtua edhe një shtet i ri, Kosova, e cila filloi të njihej menjëherë nga shtetet mike, ku deri më tani ajo është njohur nga 113 shtete në botë.
Në këtë ditë të shënuar janë organizuar evente dhe ceremoni të ndryshme. Presidentja Vjosa Osmani së bashku me kryeministrin e vendit, Albin Kurtin do të bëjnë ngritjen e flamurit në oborrin e Qeverisë së Kosovës. Më pas ata të dy do të kryejnë homazhe te ‘Adem Jashari’. Ngjarjet do të vijojnë deri në orën 18:30 ku do të mbahet koncerti i përbashkët i Ansamblet Kombëtare të Valleve të Kosovës dhe Shqipërisë.
Mëngjestin e sotëm edhe kryeministri Edi Rama ka uruar shpalljen e pavarësisë së Kosovës.
Me anë të një postimi në rrjete sociale, ku shpërndan imazhe nga lufta e deri te shpallja e Kosovës shtet i pavarur, Rama shkruan:
“MIRËMËNGJES Urime të gjithë shqiptarëve ditën e bekuar të pavarësisë së Kosovës ”.
Çfarë pritet të ndodhë sot?
Këto janë ngjarjet e planifikuara me rastin e shënimit të 14-vjetorit të Pavarësisë së Kosovës:
-Presidentja Osmani, kryekuvendari Konjufca dhe kryeministri Kurti bëjnë ngritjen e flamurit shtetëror në Ditën e Pavarësisë (Oborri i ndërtesës së Qeverisë së Kosovës, ora 08:00)
-Presidentja Osmani, kryekuvendari Konjufca dhe kryeministri Kurti bëjnë homazhe në Kompleksin Memorial “Adem Jashari” (Prekaz, ora 9:00)
-Komuna e Gjakovës organizon homazhe te lapidari “Shokët e lirisë” (Gjakovë, ora 10:00)
-Komuna e Deçanit mban seancë solemne për nderë të 14-vjetorit të shpalljes së Pavarësisë së Kosovës. (Kuvendi Komunal i Deçanit, ora 10:00)
-Kryetari i LDK-së, Lumir Abdixhiku, me anëtarët e Kryesisë, bëjnë homazhe te varri i presidentit Ibrahim Rugova. (Varrezat në Velani, ora 10:00)
-Presidentja Osmani, kryekuvendari Konjufca dhe kryeministri Kurti bëjnë homazhe te varri i presidentit Ibrahim Rugova. (Varrezat në Velani, ora 10:30)
-Komuna e Skenderajt mban seancë solemne për nderë të 14-vjetorit të shpalljes së Pavarësisë së Kosovës. (Kuvendi Komunal i Skenderajt, ora 10:30)
-Presidentja Osmani, kryekuvendari Konjufca dhe kryeministri Kurti bëjnë homazhe te varri i veprimtarit Adem Demaçi (Velani, ora 10:40)
-Kuvendi i Kosovës mblidhet në seancë solemne për nder të 14-vjetorit të Pavarësisë së Kosovës. (Kuvendi i Kosovës, ora 11:00)
-Kombëtaret e veteranëve, të Kosovës, Shqipërisë dhe Greqisë, marrin pjesë në turneun e futbollit për nderë të Pavarësisë së Kosovës. (Kampi Nacional, Hajvali, ora 11:30)
-Forca e Sigurisë së Kosovës dhe Policia e Kosovës parakalojnë për nder të 14-vjetorit të Pavarësisë së Kosovës (Sheshi “Nënë Tereza”, ora 12:00)
-Promovohet libri “78 ditë bombardime të NATO-s”. (Biblioteka Kombëtare e Kosovës, ora 14:00)
-Përmbyllet konkursi për fotografi “Colours of Albanians 2022”, bashkë-organizim i MPJD-së dhe Ministrinë për Evropë dhe Punë të Jashtme të Shqipërisë. (Bibliota Kombëtare “Pjetër Bogdani”, ora 15:00)
-Organizohet pritje shtetërore për 14-vjetorin e Pavarësisë së Kosovës. (Pallati i Rinisë, ora 16:00)
-Filarmonisë së Kosovës mban koncert për nder të 14-vjetorit të Pavarësisë së Kosovës ( Salla e Kuqe, ora 17:00)
-Ansamblet Kombëtare të Valleve të Kosovës dhe Shqipërisë mbajnë koncert të përbashkët (Teatri Kombëtar i Kosovës, ora 18:30)
Shpallja e Pavarësisë së Kosovës u bë më 17 shkurt të vitit 2008 në orën 15:39 në Kuvendin e Republikës së Kosovës në Prishtinë. Në një mbledhje të jashtëzakonshme ku merrnin pjesë 109 nga gjithsej 120 deputetë, Kuvendi i Kosovës njëzëri shpalli Kosovën shtet të pavarur, sovran dhe demokratik. Ligjshmëria e Shpalljes së Pavarësisë së Kosovës për një kohë ka qenë temë e diskutueshme. Serbia duke kundërshtuar Deklaratën e Pavarësisë së Kosovës kërkonte vlerësimin e vlefshmërisë ndërkombëtare dhe mbështetje për pozicionin e saj.
Shpallja e Pavarësisë së Kosovës më 17 shkurt 2008, ishte kurorëzim i një rrugëtimi të gjatë e të vështirë për qytetarët e Kosovës. Për vite me radhë qytetarët e Kosovës vuajtën pasojat e spastrimit etnik nga regjimi serb i Sllobodan Millosheviqit, gjë e cila rezultoi më një Luftë Çlirimtare (1997-99). Pas përfundimit të Luftës Çlirimtare të Kosovës u bë edhe vendosja e trupave paqeruajtëse ndërkombëtare në Kosovë.
…
/faxweb