Kreu i Partisë Demokratike, Lulzim Basha ka reaguar lidhur me kallëzimin në SPAK, që përfaqësuesit socialistë kanë bërë ndaj kryetares së Komisionit Hetimor për Incneratorët, Jorida Tabaku pasi kjo e fundit u takua me kreun e SPAK.
Me anë të një postimi në Facebook, Basha thotë se Rama është në panik dhe kërkon të pengojë punën e komisionit për inceneratorët.
“Edi Rama dhe PS po bëjnë gjithçka për t’i ikur drejtësisë. Ata po përpiqen ta pengojnë dhe të largojnë vëmendjen nga puna e madhe që ka kryer Jorida Tabaku me Komisionin Hetimor për inceneratorët.
Ne nuk do të tërhiqemi, por do të vazhdojmë të vendosur, punën, për të zbuluar gjithçka, deri në fund.
Shqiptarët e dinë që qeveria ka shumë për të fshehur, dhe që ky komision po i zbulon dita ditës se si ata kanë vjedhur 430 milion euro.
Ne inkurajojmë prokurorët të bëjnë punën e tyre dhe i bëjmë thirrje Ramës dhe PS që të mos nervozohen, ndonëse duket qartë se pse kanë gjithë arsyet e botës për tu frikësuar”, shkruan Basha.
