Komiteti Teknik i Ekspertëve në mbledhjen e kësaj të mërkure vendosi të ulë ditët e karantinimit për pacientët covid pozitiv, si dhe afatin kohor të dozës booster nga 6 në 5 muaj.
Kryetarja e Komitetit Teknik, Mira Rakacolli, i argumenton këto vendime me faktin se situata e pandemisë tashmë është e qëndrueshme.
MIRA RAKACOLLIKRYETARE E KOMITETIT TEKNIK TE EKSPERTEVE
Vetëkarantinimi në shtëpi të vazhdojë të jetë 5 ditë, jo 10 sic ishte deri më tani. Ky ishte vendimi i ekspertëve të ISHP. Sot, sic dihet rekomandimi për dozën booster është 6muaj, por do të zbresë në 5 muaj. Përderisa virusi qarkullon, gjithmonë ekziston mundësia që ky virus të ndryshojë dhe ndryshimi mbase mund të jetë dhe për keq.
Ndërsa ora policore nuk do të ndryshojë, derisa mbulesa e vaksinimit të arrijë në 80 % të popullatës.
Nuk është asnjëherë një tregues i vetëm, por janë një ndërthurje e tyre, por kësaj situate epidemiologjike i përgjigjeshin. Duhej që mbulesa vaksinale të ishtë 80% që ora policore të hiqej, ndërkohë ne jemi afër 60% me 1 dozë te popullata target. Nuk jemi aty ku duhet, afër standarteve të BE.
Sipas Rakacollit, shqetësues është fakti që të shtruarit në Spitalin Infektiv i përkasin moshës aktive.
Vazhdojnë që jetët e humbura dhe shtrimet nëspitale të jenë të personave të pavaksinuar, sikurse vihet re që 1/3 e zë shtruarve janë të moshës aktive 35- 50 vjec.
Lehtësimin apo heqjen e masave kufizuese po e aplikojnë shumë vende fqinje. Nga 1 marsi, Italia lejon lëvizjen vetëm me certifikatë vaksinimi. Po ashtu edhe Kosova ka vendosur të zbusë ndjeshëm masat.
