Në një fjalim të ri drejtuar popullit ukrainas të premten në mëngjes, presidenti ukrainas Volodymyr Zelensky konfirmoi raportet që ekzistonin për sulme të reja raketore nga forcat ruse në qytete të ndryshme të vendit të tij.
Sipas tij, sulmet synonin jo vetëm infrastrukturën ushtarake por edhe civilët. Presidenti ukrainas siguroi gjithashtu se forcat e vendit të tij ndaluan avancimin e trupave ruse në shumicën e fronteve.
“Sanksionet nuk mjaftojnë”
Presidenti ukrainas tha se sulmi i vazhdueshëm rus ndaj vendit të tij tregon se sanksionet e vendosura ndaj Moskës nga Perëndimi nuk janë të mjaftueshme.
Kreu i shtetit kritikoi faktin se ai(Perëndimi) vazhdon thjesht të shikojë nga larg se çfarë po ndodh në Ukrainë, pak orë pas goditjeve të reja të forcave ruse në Kiev, në Zaporizhia dhe ndërkohë që sirenat e mbrojtjes ajrore tingëllojnë në qytetet e Ukrainën perëndimore, veçanërisht në Lviv.
Në fjalim, Zelensky vazhdoi t’i bëjë thirrje vendit fqinj për armëpushim.
“Rusia do të duhet të flasë me ne herët a vonë se si t’i japë fund armiqësive dhe të ndalojë pushtimin. Sa më herët të fillojë ky dialog, aq më të vogla do të jenë humbjet e Rusisë,” tha ai.
Kjo u parapri nga një predikim tjetër drejtuar popullit ukrainas, në të cilin Volodymyr Zelensky shprehu zhgënjimin e tij që “Perëndimi e ka lënë Ukrainën të vetme për të luftuar”. Presidenti ukrainas shtoi se ishte i gatshëm të bisedonte me homologun e tij rus Vladimir Putin për kushtet e dorëzimit që ai kishte vendosur më herët përmes një deklarate nga zëdhënësi i Kremlinit Dmitry Peshkov.
Në mesazhin e tij, presidenti ukrainas iu referua kontakteve që kishte me aleatët perëndimorë dhe theksoi: “I pyeta 27 liderët e Bashkimit Evropian se kur do të anëtarësohet Ukraina në NATO. Të gjithë ishin të frikësuar, askush nuk u përgjigj”. “Por ne nuk kemi frikë”, tha ai, duke theksuar se do të mbrojë vendin e tij.
Presidenti ukrainas iu referua kushteve të Putinit për dorëzimin e Ukrainës. “Ne jemi të gatshëm të flasim për një regjim neutral, pasi nuk i përkasim NATO-s”, tha ai, duke shtuar se ishte i shqetësuar për garancitë që do të merrte dhe cilat vende do t’i jepnin.
“Kemi marrë informacione se grupet e sabotimit të armikut kanë hyrë në Kiev”, tha ai në një video të postuar në faqen e internetit të presidencës ukrainase, duke u kërkuar banorëve të kryeqytetit që të jenë vigjilentë dhe t’i përmbahen shtetrrethimit.
Në të njëjtën kohë, ai deklaroi se ai dhe familja e tij janë objektivat kryesore të Rusisë. “Sipas informacioneve tona, armiku më konsideron mua objektivin numër një. Familja ime është objektivi numër dy. Ata duan ta shkatërrojnë Ukrainën politikisht duke shkatërruar kreun e shtetit. Ne kemi informacione se grupet e sabotimit të armikut kanë hyrë në Kiev”, tha ai, duke shtuar se “Unë jetoj në rrethin qeveritar me të tjerët”.
