Është arrestuar 2 vite pas ngjarjes autori i plagosjes së shtetasit Elvis Koçi në 25 nëntor të 2020 në Elbasan.
Sipas njoftimit zyrtar të policisë autori është Migert Qosja i cili pas një konflikti me Koçin e ka qëlluar këtë të fundit me armë zjarri duke e lënë të plagosur.
Njoftimi i Policisë:
“Specialistët e Seksionit për Hetimin e Krimeve kundër Personit në DVP Elbasan bënë ekzekutimin e masës së sigurisë “Arrest në burg” të caktuar nga Gjykata e Rrethit Gjyqësor Elbasan, më datë 29.11.2020, për shtetasin në kërkim M. Q., 27 vjeç, banues në fshatin Mjekës, Elbasan, për veprat penale “Vrasja në rrethana të tjera cilësuese” kryer në bashkëpunim, mbetur në tentativë dhe “Armëmbajtja pa leje”.
Ky shtetas, më datë 25.11.2020, në lagjen “Emin Matraxhiu”, Elbasan, pas një konflikti me shtetasin E. K., ka qëlluar me armë zjarri në drejtim të tij, duke e plagosur atë.
Materialet i kaluan Prokurorisë pranë Gjykatës së Shkallës së Parë Elbasan, për veprime të mëtejshme”, njofton policia.
në Facebook, klikoni Join Group
…
/faxweb