Janë shoqëruar në polici disa persona në Elbasan lidhur me atentatin e djeshëm ku mbeti i plagosur Nuredin Dumani.
Burime bëjnë me dije se të shoqëruarit kanë dijeni mbi ngjarjen.
Kujtojmë se mbrëmjen e djeshme policia arriti të lokalizojë shtetasin Nuredin Dumani, i cili është person i dyshuar për vrasjen e 7 personave dhe i përfshirë në shumë atentate në vend. Dumani kishte planifikuar një atentat ndaj mikut të afërt të Talo Çelës (person i shpallur në kërkim nga policia që në 2020), plan ky që përfundoi duke mbetur vetë i plagosur.
Talo Çela menjeherë pas marrjes së këtij informacioni, organizoi atentat ndaj Dumanit duke bërë që njerëz të tij t’i zinin pritë në vendin e quajtur ‘Ura e Zezë’ në Elbasan dhe të qëllonin me breshëri kallashnikovi drejt ‘BMW-së’ së Dumanit.
Dumani ka dalë nga reanimacioni ditën e sotme pasi kreu dy ndërhyrje për nxjerrjen e plumbit në mushkëri, ndërsa pritet t’i merret dëshmia.
(E.D/faxweb.al)
në Facebook, klikoni Join Group
…
/faxweb