Sekretari i Përgjithshëm i PS, Damian Gjiknuri, njëherësh dhe drejtues politik i qarkut Elbasan zhvilloi një takim me Asamblenë e kësaj force politike të Librazhdit.
Përmes një postimi në rrjetet sociale, Gjiknuri nënvizon se pjesë e diskutimeve ka qenë dhe procesi zgjedhor që do të zhvillohet në të gjitha strukturat e PS.
“Diskutuam mbi detyrat e ngarkuara nga Kongresi Kombëtar ku përfshihet edhe procesi zgjedhor që do të zhvillohet në të gjitha strukturat e Partisë Socialiste i cili do përfundojë me zgjedhjen e 61 kryetarëve të Partisë.Ristrukturimi i forcës sonë politike në çdo nivel do t’i paraprijë suksesit elektoral të Partisë Socialiste në zgjedhjet vendore të vitit 2023”, shkruan Sekretari i Përgjithshëm i PS, Damian Gjiknuri.