Moti i paqëndrueshëm, APD njofton vonesa, ky traget nuk do të niset sot nga porti i Durrësit

Autoriteti Portual Durrës ka njoftuar vonesa të cilat janë shkaktuar si rrjedhojë e motit të paqëndrueshëm në vend. Për këtë arsye trageti i linjës Ankona- Durrës “AF Marina” që ishte parashikuar të mbërrinte mesditën e sotme në Portin e Durrësit, ka hasur vonesa dhe vështirësi në lundrim prandaj pritet të mbërrijë në orët e para të ditës së nesërme(dt.23.4.2022).

Për rrjedhojë, po ky traget(Af Marina), nuk do të kryejë lundrimin sipas itinerarit që kishte planifikuar për mbrëmjen e sotme, por pritet të niset nesër rreth orës 11:00 drejt Barit(Itali).

“Ndërkohë do të vijojnë normalisht lundrimin tragetet:

– “Rigel VII” nisje e parashikuar rreth orës 23:00 drejt Barit;
– “AF Claudia” nisje e parashikuar rreth orës 17:00 drejt Ankonës.

Jemi në monitorim të vazhdueshëm të situatës”– thuhet në njoftimin e APD.