“Marrëveshja e Butrintit” u miratua në seancën parlamentarë të së hënës me vota: 75 pro, 18 kundër dhe 1 abstenim.
Seanca e cila zgjati disa orë u zhvillua me debate të forta dhe diskutime midis anëtarëve të qeverisëe dhe deputetëve të opozitës.
Opozitarët ishin kundër kësaj marrëveshjeje ndërsa socialistët e miratuan vetëm me votat e tyre.
Ajo që bie në sy është vota (abstenim) e deputetit socialist, Pandeli Majko.
Gjatë seancës së të hënës Majko, kërkoi përgjigje nga ministrja e Kulturës, Elva Margariti, lidhur me atë që ai e quajti një problem ligjor.
Sipas tij plani i menaxhimit është bërë mbi bazën e Vendimit të Këshillit të Ministrave të vitit 2002, ndërsa marrëveshja ka si bazë ligjore një VKM të miratuar në 2022.
