Të paktën 18 persona, përfshirë dy fëmijë, humbën jetën në sulmet raketore ruse në ndërtesat e banimit në qytetin port ukrainas të Odesës, njoftuan autoritetet.
Në videon e sulmit sot herët në mëngjes shihen ndërtesa të shkatërruara në Odessa.
Nënkryetari i zyrës së presidentit ukrainas, Kiril Tymoshenko tha se 18 persona kanë humbur jetën, përfshirë dy fëmijë.
Zëdhënësi i administratës rajonale të Odesës, Serhiy Bratchuk tha se 30 persona të tjerë janë plagosur.
Mediat ukrainase raportuan se objektivi i sulmit me raketa ishte një ndërtesë banimi shumëkatëshe dhe një zonë rekreative.
Sulmi vjen pasi forcat ruse u tërhoqën nga Ishulli i Gjarprit në Detin e Zi të enjten.
Burimi: AA