Kryeministri Edi Rama i shoqëruar edhe nga ministrja e Arsimit Evis Kushi dhe ajo e Fëmiëve dhe Rinisë Bora Muzhaqi, ka qenë i pranishëm në shkollën “Jeronim De Rada”.
Rama, krahas një video të publikuar në Facebook, shkruan se ky vit i ri arsimor do nis me gjeneratën e re të laboratorëve për mësimin e teknologjisë digjitale.
Sipas kryeministrit, fillimisht numri i këtyre laboratorëve do të jetë 100, për tu shtrirë më pas në të gjitha shkollat e vendit.
“MIRËMËNGJES
dhe nga “Jeronim De Rada”, ku viti arsimor nis me gjeneratën e re të laboratorëve për mësimin e teknologjisë digjitale, të cilët fillimisht do të jenë 100 për t’u shtrirë hap pas hapi në të gjitha shkollat e vendit, ju uroj një javë të mbarë”, shkruan Rama.