Andrew Brunson, pastori amerikan, i cili kaloi dy vjet në burg në Turqi, arriti në Uashington pas lirimit nga Gjykata e Izmirit – informoi një anëtar i Komisionit të SHBA-së për Lirinë Fetare Ndërkombëtare, Tony Perkins.
Është planifikuar që Brunson të takohet me presidentin Trump në Shtëpinë e Bardhë.
“Ai është një i krishterë i madh që kishte një përvojë të keqe”, ka thënë Trump në një cicërimë të tij.
“Lirimi i Brunson do të çojë në marrëdhënie të mira, madje edhe të shkëlqyera midis Shteteve të Bashkuara dhe Turqisë”, tha Trump të shtunën.
Trump falenderoi Turqinë për lejimin e Brunson për t’u liruar, por mohoi se ai kishte arritur një marrëveshje me Ankaranë në këtë drejtim.
Duke përsëritur se nuk kishte marrëveshje me Turqinë për lirimin e Brunson, Trump falënderoi homologun e tij turk Rexhep Tajip Erdogan.
“Nuk bëj marrëveshje pengjesh”, tha presidenti amerikan, raporton AP.