Kreu i çeçenëve Ramazan Kadyrov ka reaguar pas sulmeve të Rusisë në Kiev.
Ai shprehet se tani është absolutisht i kënaqur me zhvillimin e të ashtuquajturit “operacionit special” në Ukrainë.
“Tani jam njëqind për qind i kënaqur me mënyrën se si po zhvillohet operacioni special ushtarak”, shkroi ai në kanalin e tij Telegram të hënën.
Ai ka paralajmëruar presidentin Volodymyr Zelensky të largohet para se ta qëllojnë, duke i thënë që të mos i kthejë më sytë nga Perëndimi.
“Ne të paralajmëruam, Zelensky, se Rusia nuk ka filluar ende me të vërtetë. Mos u anko si llum. Më mirë ik, para se të goditesh. Ik. Ik, Zelensky, ik pa kthyer sytë nga Perëndimi”, shtoi Kadyrov.