Një 35-vjeçar ka ndërruar jetë si pasojë e një aksidenti rrugor gjatë natës.
Ngjarja ka ndodhur në afërsi të xhamisë së Farkës.
Policia bën me dije se 35- vjeçari ka humbur kontrollin e mjetit e për pasojë ka dalë nga rruga duke u përplasur me bordurën anësore.
Tiranë/Informacion paraprak
Në aksin rrugor “TEG-Shkozë”, në mesnatë, në afërsi të xhamisë së Farkës, shtetasi F. H., 35 vjeç, ka humbur kontrollin mbi drejtimin e automjetit dhe për pasojë, automjeti ka dalë nga rruga dhe është përplasur me bordurën anësore të rrugës.
Nga përplasja, 35-vjeçari ka humbur jetën.
Grupi hetimor vijon punën për zbardhjen e shkakut të këtij aksidenti.