Liga, partia e të djathtës ekstreme në Itali që drejtohet nga Matteo Salvini, zv/kryeministër dhe ministër i Brendshëm, ka pamundësuar që një organizatë muslimane të ndërtojë një xhami në ish-godinë spitalore në Bergamo.
Ndërtimi i xhamisë është ofruar në një ankand të organizuar nga spitali lokal. Organizata muslimane ofroi shumën më të lartë për blerjen e godinës dhe kështu e tejkaloi ofertën e Kishës Ortodokse, e cila deri atëherë e përdorte ndërtesën për ritualet e saj.
Megjithatë, zyrtarët politikë të Ligas-s thanë se do të ndalnin shitjen e ndërtesës, duke iu referuar ligjit të vitit 2004, sipas të cilit ata kanë të drejtë të ndërhyjnë në rastin e mbrojtjes së objekteve të trashëgimisë kulturore.
“Unë kurrë nuk do të kisha vënë një kishë në shitje dhe unë jam i befasuar që drejtuesit e spitalit nuk e kuptuan se si po shkonte kjo çështje me ndjeshmëri të madhe”, shkroi Attilio Fontaa, president i Lombardisë nga Liga.
Më parë, Matteo Salvini paralajmëroi se kultura dhe shoqëria italiane ishin në rrezik të zhdukjes për shkak të përhapjes së Islamit.
