India ka përuruar Statujën e Unitetit, dy herë më e lartë se Statuja e Lirisë në brigjet e Nju Jorkut, ku ndërtimi i saj kushtoi 430 milion dollarë.
Statuja, e ndërtuar në shtetin perëndimor indian të Gujarat, është 182 metra i gjatë, i ndërtuar prej bronzi dhe çeliku i kushtohet luftëtarit simbol të pavarësisë së Indisë, Sardar Vallabhbhai Patella. Ai sot shënoi 142-vjetorin e lindjes.
Monumenti u zbulua nga kryeministri indian Narendra Modi.
“Patella donte që India të ishte një vend i fortë, i vendosur, i kujdesshëm dhe i adaptueshëm dhe ne po punojmë për të”, tha Modi në ceremoninë e zbulimit të statujës.
Ndërtimi i statujës u financua nga qeveria, kompanitë shtetërore dhe institucione të tjera, dhe për përfundimin e plotë të saj mori 33 muaj.
Në punime morën pjesë 250 inxhinierë dhe 3,400 punonjës ndërtimi.
Më poshtë është grafika e objekteve më të larta në botë, ku tashmë përfshihen dhe statuja indiane.