Britania për të prekurit nga tërmeti me qendër Kahramanmaraş ka dërguar spital fushor, ekip shëndetësor dhe avion transportues për transportin e materialeve të ndihmës humanitare, si dhe të viktimave dhe të personave të plagosur.
Sipas një deklarate nga Ministria britanike e Mbrojtjes, avioni “C130-Hercules” dhe avioni transportues “A400M” që transportojnë spitalin fushor, produktet e ndihmës dhe ekipin shëndetësor janë nisur në orët e para të mëngjesit me orën e Türkiye-s.
Spitali fushor dhe avioni “C130-Hercules” i cili brenda tij ka edhe njësinë e kujdesit intensiv të transportueshëm, do të mund të përdoren për ndërhyrje kritike në rajon.
Avioni “C130-Hercules” do të vendoset në shërbim të Türkiye-s edhe për transportimin e viktimave dhe personave të plagosur brenda Türkiye-s.
Ndërkohë avioni transportues “A400M” do të transportojë në rajon produktet e ndihmës humanitare përfshirë edhe batanije termale. Ky avion do të mbërrijë në rajon nën koordinimin e ekipit ushtarak prej 8 personash në Ambasadën e Britanisë në Ankara.
Britania pas tërmeteve, epiqendra e të cilave ishte në Kahramanmaraş që konsiderohet si “fatkeqësia e shekullit”, ka dërguar në Türkiye edhe ekipin e kërkim-shpëtimit prej 77 personash.
Burimi: AA