Sali Berisha ka hedhur akuza në drejtim të kreyesocialistrit Edi Rama duke thënë se po bllokon parlamentin për të zhvendosur vëmendjen nga skandali “McGonigal”.
Lideri i opozites deklaroi se pas korrupsionit dhe skandaleve të kryeministrit Rama qëndron mbështetja e jashtëzakonshme nga Charles McGonigal.
Berisha përsëriti akuzat e tij duke shprehur se Rama i ka paguar 225 mijë dollarë Agron Nezës në dëm të interesave të vendit.
“Shqiptarët janë dëshmitarë për të gjithë mbështetjen e jashtëzakonshme që iu dha Edi Ramës, pavarësisht nga dhunimi i zgjedhjeve, pavarësisht nga shndërrimi i vendit në një protektorat krimi, pavarësisht nga vjedhjet e shfrenuara të fondeve, buxhetit, pasurive publike të shqiptarëve.
Nuk ka dyshim se prapa kësaj mbështetje qëndronte edhe dora e zezë e Charles McGonigal, i cili i paguar nga Edi Rama, nëpërmjet Dorian Duçkës, këshilltarit të tij personal, i cili i dha 225 mijë dollarë në garazhet dhe banesën e Agron Nezës, bëri gjithçka që sipas një skenari supermafioz, duke tradhtuar vendin e tij, betimin ndaj ligjit dhe Kushtetutës, besimin e presidentit të SHBA dhe të Kongresit amerikan ndaj tij dhe u mor me shkatërrimin e opozitës shqiptare, me qëllimin e vetëm, që pagatori i tij të vazhdonte të qëndronte në pushtet dhe ta paguante më tej.”-tha Berisha.
Ish-kryeministri Berisha ka paralajmëruar protestën e radhës ditën e enjte përpara kuvendit.