Edicioni i 8-të i ekspozitës, e cila ka në qendër Ditën Ndërkombëtare të Gruas, u çel në Pogradec. Pikturat dhe fotografitë e artistëve nga Ballkani dhe Europa, përcjellin botën e gruas në dimensione të ndryshme.
Ekspozita solli mesazhe të forta, mbi mënyrën se si duhet trajtuar gruaja.
SAJMIR AHMETI
ORGANIZATOR
Sidomos te fotoja kemi shpërthime të brendshme të femrës, shoqëria jonë ka një detyrim të madh.
ENTELA GUSHO
NENKRYETARE E BASHKISE
Ne duhet të vlerësojmë gjithmonë figurën e gruas sepse aty shikojmë në dhimbjen e gruas por dhe trishtimin e suksesin e saj njëkohësisht.
Piktorët pjesëmarrës në ekspozitë nënvizojnë rëndësinë e shpalosjes së botës së femrës dhe edukimit të brezave, për të respektuar gruan.
MARJANA GOXHABELLIU
PIKTORE
Kam dashur të shpreh atë kauzën që kemi brenda vetes, trazirën, ndonjëherë nuk dimë rrugën që duam të ndjekim.
Ekspozita përmbante jo vetëm piktura, por edhe fotografi nga disa vende të Europës, ku binte në sy edhe një punim e një autoreje ruse, e cila ka sjellë gruan me xhamadan dhe flamur shqiptar.