Kriza financiare që ka prekur familjet dhe biznesin, ka bërë që nevoja për financim të ulet dhe qytetarët të priren drejt konsumit.
Një situatë e tillë për sektorin e mikrofinacës ishte e pritshme, pasi rritja e kostove është shtrirë në çdo hallkë të ekonomisë.
Heriola Spahiu, anëtare e bordit të Shoqatës së Mikrofinacës e ftuar në E-ZONE tha se rrisku për këtë vit mbetet rritja e kredive të këqija.
“Në 2021 janë rreth 270 mijë kredi të dhëna, ku dominojnë kreditë konsumatore, ato për biznesin e vogël dhe për fermerët, por viti 2022 pritet të mbyllet me rënie duke bërë që numri i kredive të dhëna ta arrijë në rreth 180 mijë. Shumë familje janë orientuar drejt kursimit dhe jo shpenzimeve, por ashtu edhe biznesi i vogël ku dominon kredia për kapital qarkullues, jo për investime. Ndër produktet që ka ecuri të mirë financimi janë ato investime në energjinë e pastër që ne do të vijojmë t’i mbështesim si familjet edhe biznesit në këtë kërkesë”, shprehet Spahiu
Të dhënat flasin se 2022 u mbyll me një rritje të treguesit të kredive me problem dhe shqetësimi mbetet për rritje të mëtejshme edhe gjatë këtij viti.
“Nëse në 2021 kreditë me probleme në sektron e mikorfinacës ishin 13%, në vitin që la pas ato arritën në 18 %. Ndërkohë problematikat e vitit 2022 janë transferuar edhe në këtë fillim viti, çka mund të themi se edhe 2023 do të jetë një vit sfidues”, pohoi Spahiu.
Duke u ndalur tek vendimi i bankës qëndore për të patur një normë tavan intresi për kreditë që jepen në këtë sektorë, Spahiu tha se kjo vendimarrje ka bërë që disa nga produktet e mikrofinancës të dalin me humbje për rrjedhojë nuk janë ofruar më për klientët.