PS vijon të jetë në avantazh edhe në bashkinë e Dimalit në bazë të rezultatit paraprak nga votat e numëruara deri më tani.
Kandidatja e PS në këtë bashki, Juliana Memaj dominon me 48.54% të votave, konkretisht 2781 vota në total.
Ndërkohë kandidatët demokratë kanë marrë më shumë vota së bashku, por edhe në këtë bashki dalja me dy kandidatë e ka dëmtuar potencialin e koalicionit “Bashkë Fitojmë”.
Kandidati i BF, Dritan Sula ka marrë deri më tani 2024 vota ndërsa Gentian Meçi i Alibeajt ka marrë 924 vota.
Deri më tani në këtë bashki janë numëruar 25 kuti nga 49 në total.