Dy vendet aleate, Rusi dhe Kina duket se do të shënijnë një kapitull të ri në forcimin e bashkëpunimit të tyre ekonomik. Mediat ndërkombëtare raportojnë se tregtia mes dy vendeve pritet të shënojë rekord prej 200 miliardë dollarë gjatë këtij viti. Kjo shifër u bë e ditur nga kryeministri rus, Mikhail Mishustin, në vizitën e tij zyrtare në Kinë.
“Unë besoj se këtë vit ne do të jemi në gjendje të arrijmë objektivat e vendosura nga udhëheqësit e dy vendeve dhe ta çojmë tregtinë totale në 200 miliardë dollarë,” tha Mishustin gjatë një fjalimi në forumin e biznesit Kinë-Rusi në Shangai të martën, sipas Global Times shtetëror i Kinës.
Shumë vende të Perëndimit kanë sanksionuar Rusinë me qëllim dobësimin ekonomik të saj dhe dhënien fund të luftës në Ukrainë.
Megjithatë, kjo nuk ka penguar aleancën mes Kinës e Rusisë që sa vjen e forcohet duke mbështetur ekonominë tek njëra-tjetra.
Vitin e kaluar, tregtia dypalëshe u rrit me gati 30% në një rekord prej 190 miliardë dollarësh, kryesisht e nxitur nga blerja e energjisë nga Kina nga Rusia. Këtë vit, tregtia e tyre vazhdoi të rritet, me 41% në katër muajt e parë, sipas shifrave të doganave kineze.