Presidenti çek Millosh Zeman ka deklaruar veten si miku më i mirë i Izraelit në një fjalim në Knesset – parlamentin izraelit.
“Kryeministri Benjamin Netanyahu ka thënë se Republika Çeke është miku më i mirë i Izraelit në Evropë. Unë pyes veten se pse vetëm në Evropë?”, ka thënë Zeman, sipas Jerusalem Post.
Gjatë fjalimit, ai tha se mbështetja e Parlamentit Europian ndaj “terroristëve palestinezë” është e turpshme.
“Nëse e tradhtojmë Izraelin, ne tradhëtojmë veten”, tha ai.
Zeman ka shprehur shpresën se hapja e “Shtëpisë së Çekisë”, të martën në Jerusalem, e cila do të merret me turizmin dhe tregtinë midis dy vendeve, do të çojë në zhvendosjen e Ambasadës së Çekisë nga Tel Avivi në Jerusalem.
“Unë nuk jam një diktator, për fat të keq, por premtoj se do të bëj çmos”, tha Zeman.
Netanyahu dhe Presidenti i Knesset, Yuli Edelsteinit kujtuan historinë e hebrenjve çeke dhe të presidentit të parë të Çekosllovakisë, Tomas Masaryk, i cili kundërshtoi anti-semitizmin dhe ishte përkrahës i sionizmit.
Ata falënderuan popullin çeke për mbështetjen e tyre të pavarësisë së Izraelit, si dhe furnizimin me armë dhe trajnimin e pilotëve izraelitë.
“Republika Çeke dhe Izraeli janë demokracia e vogël, por e mrekullueshme”, tha Netanyahu.