Deputeti socialist Pandeli Majko foli për reformën në Drejtësi në Shqipëri dhe çështjet e bujshme ku janë përfshirë edhe politikanët.
Ai u shpreh gjatë fjalës së tij në Kuvend se maxhoranca e ka provuar në kurrizin e saj shkopin e drejtësisë së re. Ndërsa shtoi se nuk i vjen mirë kur shikon përfaqësues të së majtës në burg.
“Maxhoranca e ka provuar në kurrizin e saj shkopin e drejtësisë së re. Nga ana e saj nuk ka pasur asnjë reagim negative.
Mos prisni që të them që ndihem mirë kur shoh përfaqësues të politikës së majtë në burg. E vërteta është se ndihem keq por më keq ndihem kur përballem me pyetjen se mos vallë në këtë vend vetëm të majtët e shkelin ligjin”, deklaroi ai.