18 gusht – Lajmi i katër turistëve italianë që u larguan nga një restorant në Berat pa paguar faturën shkaktoi shumë diskutime në Shqipëri, shkruan faqja e internetit ilgazzettino.it.
”Pamjet e ‘arratisjes’ u bënë virale në rrjetet sociale, duke ndezur një debat të nxehtë mbi pasojat e kësaj vale pushuesish (kryesisht italianë) në Shqipëri.
Për rregullimin e kësaj situate u kujdes personalisht kryeministrja Giorgia Meloni, e cila urdhëroi ambasadorin italian në Shqipëri Fabrizio Bucci për të shlyer faturën e papaguar të katër turistëve italianë.
“Me rekomandimin e kryeministres sonë Giorgia Meloni, ne proceduam me shlyerjen e faturës së mbetur të papaguar nga një grup turistësh italianë në një restorant në qytetin e Beratit”, thuhet në shënimin e publikuar nga Ambasada në Tiranë.
“Italianët të rrespektojnë rregullat. Shpresojmë që episode të këtij lloji të mos përsëriten”, thuhet ë deklaratën e ambasadës.
Në një intervistë për “La Stampa”, kryeministri shqiptar Edi Rama tha se ”dje, gjatë takimit të tyre në Vlorë, disa shtetas italianë u larguan nga restoranti pa paguar faturën”, duke shkaktuar të qeshura. /os/