Në Tiranë zhvillohet ministeriali euro-ballkanik i Ministrave të Brendshëm nga BE-ja dhe rajoni ynë. Ky takim bëhet në kuadër të Procesit të Berlinit, me pjesëmarrjen 26 delegacioneve të nivelit të lartë.
Në fjalën e tij ministri i Brendshëm, Taulant Balla tha se Shqipëria është bërë kampione e sigurisë.
Ministri u shpreh i vendosur për të thelluar akoma më tej bashkëpunimi, ndërsa theksoi se “Shqipëria është shembull i jashtëzakonshëm i popullit të saj për një të ardhmen më të ndritur.”
“Drejtimi është i qartë, të forcojmë angazhimin e përbashkët për t’u përballur me problemin e krimit te organizuar dhe për të forcuar kontrollin e kufijve dhe të arrijmë një traktat sigurie kundër kërcënimeve kibernetike.
Jemi dëshmitarë të shkatërrimit ekonomik e social të shkaktuar nga krimi i organizuar. Përpjekja jonë drejt anëtarësimit në BE është ajo që na drejton dhe forcon angazhimin tonë për të luftuar krimin.
Procesi i Berlinit na inkurajon që të zbatojmë një qasje shumë planesh.
Shqipëria është prekur nga flukset migratore për shkak të zhvillimeve në vendet e origjinës dhe kalimeve tranzit”, tha Balla.