Tre aksidente të njëpasnjëshme kanë ndodhur në pak orë në rrugët e Lezhës.
Një mjeti tip ‘Audi’ dhe një kamper janë përfshirë në aksident në aksin Lezhë-Shkodër, prannë fshatit Mabe. Nga përplasja e fortë kanë mbetur të plagosura dy vajza rreth moshës 30 vjeç si dhe një çift gjerman, i cili po udhëtonte me kamper.
Vajzat janë dërguar menjëherë në spitalin e Lezhës, me fraktura të shumta, ndërsa çifti gjerman fatmirësisht ka marrë plagë më të lehta.
Një tjeter aksident është shënuar në aksin Lezhë-Shëngjin, ku një automjet ka përplasur një ciklomotorr dhe për pasojë është plagosur drejtuesi i tij,.
31-vjeçari është dërguar për ndihmë mjekësore, ndërsa drejtuesi i mjetit është larguar nga vendi i aksidentit dhe policia po punon për identifikimin e tij.
Po ashtu mbrëmjen e së mërkurës një tjetër aksident i rëndë ndodhi në po të njëjtën rrugë, në hyrje të Shëngjinit.
Dy automjete janë përplasur e si pasojë kanë mbetur të plagosur katër persona, dy prej të cilëve në gjendje të rëndë.
