Subscribe
Aktivistë të shumtë nga organizata të shoqërisë civile në Vlorë kanë protestuar këtë të enjte, përpara Prokurorisë për të kërkuar drejtësi për 26-vjeçaren e abuzuar disa ditë më parë nga 4 persona, dy prej të cilëve janë pas hekurave dhe dy të tjerë janë ende në kërkim.
Në mesazhet e tyre, gra dhe vajza kanë kërkuar ndëshkim maksimal të fajtorëve
BRIKENA PUKA
DREJTUESE E QËNDRËS “VATRA”
“Kërkojmë marrjen e masave mbrojtëse për viktimën, kryerjen me përgjesi të hetimeve dhë dënimin maksimal sipas ligjit të autorëve”.
Të pranishëm në këtë proteste ishin edhe këshilltarët e bashkisë Vlorë. Ndërkohë që më herët në këshillin bashkiak të Vlorës është parashtruar kërkesa për nënshkrimin e një rezolute kundër dhunës ndaj grave
EGLA IMERAJ
Duam të përcjellim vetëm një mesazh: Drejtësia duhet të bëjë drejtësi!
LILJANA BRESHANI
Të thyejmë paragjykimet, jo vetëm në komunitete por edhe për viktimat që mbeten të pambrojtura
Aktivistët kanë marshuar me pankarta përgjatë bulevardit Vlorë-Skelë.