Ndonëse janë vetëm 3 kilometra larg nga shkolla ku mësojnë, fëmijët e fshatit Balldre në Lezhë detyrohen të zgjohen në orën 6 e 30 minuta dhe të qëndrojnë çdo mëngjes përreth 1 orë në oborrin e shkollës, pasi autobusi i sjell shumë herët.
Mes tyre ka dhe shumë fëmijë parashkollor dhe problemi më i madh është gjatë stinës së dimrit, ku dhe temperaturat janë të ulëta dhe shpesh herë ka reshje shiu.
Fëmijët zgjohen që në 6 pa 10 rrinë presin pastaj që në gjashtë e gjysmë të vij t’i marrë furgoni , në të ftohtë në shi.
Unë kam 4 fëmijë, farë duhet të bëjmë në këtë situatë, ata janë të vegjël dhe nuk mund të rrinë jashtë kaq shumë se edhe koha sa vjen dhe po ftohet .
Ndërkohë i kontaktuar për këtë çështje Drejtori Rajonal i Arsimit Parauniversitar në Lezhë, Hasan Muça, tha se shumë shpejt do të zhvillohet një takim me kompaninë që bën transportin e nxënësve për t’i dhënë zgjidhje kësaj problematike.