Një shpërthim tritoli është shënuar në orët e para të mëngjesit të kësaj të marte në ambientet e jashtme të një lokali.
Ngjarja ka ndodhur në rrugën “Sali Butka”, në lokalin e një 40 vjeçari.
Nga shpërthimi ka vetëm dëme materiale.
Tiranë/Informacion paraprak
Më datë 28.11.2023, rreth orës 05:00, është marrë njoftim se në rrugën “Sali Butka”, në ambientet e jashtme të një lokali në përdorim nga shtetasi A. Xh., 40 vjeç, dyshohet se ka shpërthyer lëndë plasëse, dhe si pasojë ka vetëm dëme materiale.
Grupi hetimor po punon për sqarimin e rrethanave të ngjarjes, identifikimin dhe kapjen e autorit/eve.
