I akuzuar si bashkëpunëtor në plagosjen e tre të rinjve, 33-vjeçari shqiptar, ka dhënë versionin e tij para hetuesve këtë të mërkurë. Ai deklaroi se nuk ishte në dijeni se miku i tij ishte i armatosur dhe kishte në plan të qëllonte me armë zjarri.
Ai kërkoi falje për ngjarjen e ndodhur Gazi në orët e para të së shtunës së kaluar, por megjithatë u la në burg.
33-vjeçari gjatë deklaratës së tij tha se ka mbetur i tronditur nga sulmi gjakftohtë i mikut të tij ndaj grupit të të rinjve. Sipas tij, ky i fundit ishte i dehur.
Lidhur me veprimet e tij, i riu shqiptar dëshmoi se ai vetëm kishte goditur me grusht një person që e pështyu, por asgjë më shumë.
“E humba, hipa në makinë dhe u largova. Kur shkova në shtëpi mora në telefon avokatin tim”, dyshohet se ka pohuar 33-vjeçari gjatë hetimeve paraprake.
Nardi Idrizi, autori i tre plagosjeve është ende në kërkim.//