Prokuroria e Posaçme ka kërkuar “arrest shtëpie” për ish-kryeministrin Sali Berisha dhe ka dorëzuar kërkesën në Gjykatën e Posaçme për Korrupsionin dhe Krimin e Organizuar. Seanca pritet të mbahet më 26 dhjetor, në orën 10:00.
Kërkesa është dorëzuar një ditë pasi Parlamenti votoi për heqjen e imunitetit të Berishës me 75 vota pro.
Lexo edhe :Related Posts
Seanca për zëvendësimin e masës pritet të zhvillohet javën e ardhshme.
Vetë Berisha e ka quajtur procesin hakmarrje politike ndaj tij dhe ka thënë se opozita do të përgjigjet me mosbindje civile.
Kujtojmë se ndaj Berishës ishte caktuar fillimisht detyrimi i paraqitjes në gjykatë dy herë në muaj, si edhe i ishte ndaluar të udhëtojë jashtë territorit shqiptar.
Berisha nuk ishte paraqitur në gjykatë dhe për këtë arsye SPAK kërkoi ndryshim të masës së sigurisë.
Sipas SPAK Berisha kishte kryer veprime konkrete, si kryeministër, me miratime ligjesh dhe aktesh nënligjore, nga të cilat përfitoi dhëndri i tij, përmes privatizimit të pronës shtetërore- kompleksi sportiv Partizani.
/