Shifrat për cilësinë globale të ajrit janë jo të mira, siç zbulon raporti përkatës i IQAir i botuar të martën, me vetëm shtatë vende që arrijnë t’i “qëndrojnë besnikë” udhëzimit vjetor për grimcat (PM2.5) të OBSH-së.
Këto vende janë: Australia, Estonia, Finlanda, Grenada, Islanda, Mauritius dhe Zelanda e Re.
Në të kundërt, pesë vendet më të ndotura në vitin 2023 ishin:
Bangladeshi (79.9 µg/m3), 15 herë më i lartë se udhëzuesi vjetor i OBSH-së për grimcat
Pakistani (73.7 µg/m3) 14 herë më i lartë se udhëzimi vjetor i PM-së i OBSH-së
India (54.4 µg/m3) 10 herë më e lartë se udhëzimi vjetor i PM-së i OBSH-së
Taxhikistani (49,0 µg/m3) 9 herë më i lartë se udhëzimi vjetor i PM-së i OBSH-së
Burkina Faso (46.6 µg/m3) me një normë 9 herë më të lartë se udhëzimi vjetor i OBSH-së për grimcat.
Duke shkaktuar një në nëntë vdekje në mbarë botën, ndotja e ajrit është kërcënimi më i madh mjedisor për shëndetin e njeriut. Sipas Organizatës Botërore të Shëndetësisë (OBSH), ndotja e ajrit është përgjegjëse për rreth shtatë milionë vdekje të parakohshme në mbarë botën çdo vit. /