KQZ ka reaguar pas përfundimit të procesit të numërimit të votave për zgjedhjet e pjesshme për Kryetar të Bashkisë Himarë, ku fitues u shpall Vangjel Tavo.
Komisioni Qendror i Zgjedhjeve ka njoftuar se kandidati i PS-së, ka marrë 5022 vota, pra 58.62% të tyre, ndërsa ai i “Bashkë Fitojmë”, Petro Gjikurua siguroi 3545 vota ose 41.38%.
Gjithashtu shkruan se ecuria e procesit të numërimit të votave ishte e qetë.
Postimi:
Ka përfunduar procesi i numërimit të votave për zgjedhjet e pjesshme për Kryetar të Bashkisë Himarë.
Rezultate paraprake për 36 qendrat e votimit:
Kandidati i propozuar nga subjekti zgjedhor “Partia Socialiste e Shqipërisë”, z. Vangjel Tavo ka marrë 5022 vota (58.62%).
Kandidati i propozuar nga subjekti zgjedhor, koalicioni “Bashkë Fitojmë”, z. Petraq Gjikuria ka marrë 3545 vota (41.38%).
Ecuria e procesit të numërimit të votave ishte e qetë, u monitorua nga stafi teknik i KQZ-së dhe rezultatet paraprake u transmetuan në kohë reale në faqën zyrtare të internetit të KQZ-së dhe Aplikacionin KQZ.