Pak para se pushimet verore të nisnin zyrtarisht, Kryeministri Rama vendosi të bënte disa ndryshime në qeveri.
Natyrisht që një interes të madh kishte për ministrat e rinj që do të drejtonin kabinetin. Shto këtu edhe faktin se emrat e tyre nuk vinin nga politika aktive, duke shtuar kështu kuriozitetin.
Në një seancë të jashtëzakonshme, Parlamenti u mblodh sërish për të votuar këto ndryshime dhe të gjithë vëmendjen e morën edhe ministrat e rinj, që mbërritën një nga një në Parlament. Por teksa hynin nxitimthi dhe krejt të vetëm ku priteshin nga stafi i Kuvendit, dalja ishte ndryshe.
Sapo ka përfunduar seanca, shumë prej tyre janë shfaqur të qeshur dhe me miqtë nga radha e Partisë Socialiste. Një prej tyre ishte edhe ministri i Brendshëm, Ervin Hoxha.
Ashtu edhe si duket nga fotot, ai ka dalë nën shoqërinë e ministrit Manja dhe të dy kanë qëndruar për minuta me radhë edhe me kolegët e tjerë, duke shijuar një bisedë, që në dukje është tërësisht miqësore.