Kelvis Balliu ka ngritur shqetësimin e shpopullimit të vendit, që sipas tij është një projekt antishqiptar. Për këtë ai fajëson qeverinë dhe kryeministrin Edi Rama.
Me anë të një postimi në Facebook, Balliu thotë sot 12% e shtëpive në Shqipëri banohen nga vetëm një person në shumicë këta banorë janë mbi 65 vjeç, ndërsa 202 mijë banesa të tjera jetohen nga vetëm 2 persona.
Sipas Klevis Balliut, “Edi Rama ka arritur të zhvendosë edhe strukturën tradicionale të familjes.
“Përpara qeverisjes së tij, familja shqiptare, si njësi familje në censusin e vitit 2011 ishte 3.9 anëtarë, ndërsa sot është 3.2 anëtarë sipas censusit te 2023-shit”, shkruan Balliu.
Postimi i Balliut
Rama dhe uria e tij për para po zhduk një popull.
Shpopullimi nuk është rastësi, por një projekt antishqiptar , të cilin e ka pasur ëndërr, për ta realizuar cdo armik i kombit tonë me në krye Serbinë.
Këtë akt kriminal , që do të duhej të dënohej si krim ndaj njerëzimit , po e kryen Edi Rama.
Sot 12% e shtëpive në Shqipëri banohen nga vetëm një person në shumicë këta banorë janë mbi 65 vjec, ndërsa 202 mijë banesa të tjera jetohen nga vetëm 2 persona.
Rama ka arritur të zhvendosë edhe strukturën tradicionale të familjes.
Përpara qeverisjes së tij , familja shqiptare , si njësi familje në censusin e vitit 2011 ishte 3.9 anëtarë , ndërsa sot është 3.2 anëtarë sipas censusit te 2023-shit.
Një fakt tjetër dramatik është plakja e popullsisë, si rrjedhojë e emigrimit. Sipas censusit te 2023-shit , 1 në 5 individë është mbi 65 vjeç .
Përpara qeverisë Rama sipas censit të 2011 – shit vetëm 1 në 9 individ ishte mbi 65vjeç, dhe në atë kohë lindshmëria ishte më e lartë se sot.