Nëna e Colt Grey, adoleshentit që vrau katër persona në shkollën e mesme Apalachee, tha se kishte lajmëruar shkollën e djalit të saj për një “emergjencë”.
Washington Post zbuloi mesazhet audio të Markie Grey në shkollë.
“Unë u thashë atyre se ishte një emergjencë ekstreme dhe ata duhej të kontrollin djalin tim menjëherë.”
Raporti tha gjithashtu se telefonata e nënës në shkollë u bë në orën 9:50 të mëngjesit të së mërkurës, rreth gjysmë ore para se Colt të hapte zjarr dhe të vriste 4 persona.
Babai i Markie-t, Charles Polhamus, tha se 14-vjeçari Colt i kishte kërkuar falje nënës së tij përmes mesazheve para të shtënave, duke e shtyrë atë të telefononte shkollën. “Më fal, mami”, shkruhej në mesazh.
Markie pastaj hipi në makinën e saj dhe u nis për në shkollë, e cila ishte më shumë se tre orë larg.
Por në gjysmë të rrugës ajo mësoi se ishte shumë vonë.
