Kryeministri Edi Rama ka kryer një ndërhyrje kirurgjikale në Qendrën Spitalore Universitare “Nënë Tereza, për hernien inguinale.
Rama e kishte paralajmëruar më herët se do të kryente ndërhyrje, kur mori pjesë në hapjen e spitalit ditor brenda QSUT-së.
“Unë mund të flas dhe si pacient dhe mund të vij prapë për një tjetër ndërhyrje. Kam një hernie inguinale që… i kam mësuar dhe emrin, se kësaj diskales nuk kërkoj mjekë sepse punoj me forcat e mia, me streç dhe vetëpërmbatje para ushqimit që mos të rëndoj kolonën e lodhur nga basketbolli. Inguinales nuk i bëj dot derman dhe me shumë kënaqësi do të vij”, deklaroi aso kohe Rama.
Kujtojmë se më shumë se një vit më parë Rama iu nënshtrua një operacioni për heqjen e apendicitit, po në QSUT.
Ka qenë ekipi mjekësor nën drejtimin e Prof. Dr. Arben Gjata që ka kryer ndërhyrjen kirurgjikale.
Rama pritet të kalojë natën e sotme në mjediset spitalore të spitalit.