Për disa, puthja është një shenjë dashurie, për të tjerët një gjest romantik plot kuptim, por për një vajzë 25-vjeçare ajo përfaqëson një rrezik potencialisht vdekjeprurës.
Ajo nuk mund të përballojë të shkojë në plazh ose të bëjë një shëtitje të thjeshtë: “Vetëm një gabim – shpjegoi ajo – mund të më kushtojë jetën”. Ndër simptomat që mund të më shkaktojë një puthje janë vështirësia në frymëmarrje, ënjtja e fytit dhe humbja e ndienjave .
Një gjest i thjeshtë për shumëkënd, që për të u bë simbol i një lufte dhe force të përditshme. Por çfarë e shkakton këtë gjendje? Çfarë pasojash ka në marrëdhëniet njerëzore të vajzës? A ka një kurë?
Sëmundja- Një në 150,000 njerëz vuajnë, si Caroline Cray Quinn, nga sindroma e aktivizimit të qelizave mast (MCAS), një reaksion alergjik ekstrem dhe jashtë kontrollit ndaj ushqimeve, parfumeve dhe faktorëve të zakonshëm mjedisor.
Kjo sëmundje prek jo vetëm marrëdhëniet e të resë, por edhe mbi të gjitha zakonet e të ushqyerit. Caroline mund të hajë vetëm dy ushqime: tërshërë dhe një formulë ushqyese të përgatitur enkas për të. Gjithçka për të shmangur shkaktimin e reaksioneve anafilaktike të mundshme potencialisht fatale.
Puthja-Edhe intimiteti me partnerin e saj, Ryan, kërkon masa paraprake të përpikta: “Duhet të sigurohem që ai të lajë dhëmbët përpara se të më puth”, thotë Caroline në profilin e saj social. Është një direktivë, e diktuar nga ekipi i saj mjekësor, por kjo është vetëm një nga shumë rregullat e vendosura për të mbrojtur shëndetin e saj . “I dashuri nuk duhet të hajë tre orë para puthjes, as të hajë gjashtë alergjenët kryesorë 24 orë para se të më puthi mua”, thotë ajo.
“Ndonjëherë, pavarësisht nga këto masa paraprake, ndiej një kruajtje të lehtë në gojë ose buzë, një sinjal që duhet të ndaloj menjëherë dhe të marr ilaçe urgjente,” shton ajo . Pavarësisht kësaj, Caroline e përballon gjendjen e saj me guxim dhe humor: «Ndoshta rregullat e mia për takime mund të jenë të dobishme për ata që janë të pasigurt për qëllimet e partnerit të tyre. Nëse pranojnë t’i zbatojnë këto rregulla, do të thotë se u interesojë vërtet”, tha vajza me shaka.
Diagnoza- Caroline u diagnostikua me MCAS vetëm në vitin 2017, pavarësisht se kishte vuajtur nga alergji të rënda që nga fëmijëria. “Kam patur alergji ndaj ushqimeve si kikirikët, arrat dhe susami që kur isha dy vjeç, por përveç kësaj isha e shëndetshëme. Më pas, në vitin 2017, një reaksion alergjik për shkak të kontaminimit të kryqëzuar u shndërrua në një sërë episodesh anafilaktike, të cilat më bënë të jem alergjike edhe ndaj shumë ushqimeve të tjera”.
Diagnoza e MCAS i lejoi Caroline t’i vinte një emër simptomave që kishin ndikuar gjatë në jetën e saj. Manifestimet e sëmundjes, si vështirësia në frymëmarrje, ënjtja e fytit dhe humbja e vetëdijes, kërkojnë vëmendje të vazhdueshme për të shmangur shpërthimet. Edhe shkuarja në plazh mund të përbëjë një rrezik.
“Mund të ndodhë që një qen të më lëpijë fytyrën dhe të shkaktojë një reaksion . Por nuk kam ndërmend të ndaloj së jetuari nga frika”, deklaroi ajo me vendosmëri. “Nuk do të heq dorë nga gjithçka për shkak të një sëmundjeje”.
